捧大阪飛腳踏「砂」續居次席

軍情

大阪飛腳的小野瀨康介、藤春廣輝及井手口陽介，傷勢都未有新消息，今輪上陣存疑。艾迪美臣巴拉加受到內部處分，今季不會再替大阪飛腳效力。小野裕二及猿田遙己今季宣告收咧。

鳥棲砂岩的高橋秀人仍然缺陣，內田裕斗的傷勢未有新消息，今仗披甲成疑。

大阪飛腳
停賽：／
上陣成疑：井手口陽介（不詳）、小野瀨康介（不詳）、藤春廣輝（不詳）
受傷╱缺陣：小野裕二（膝部手術）、猿田遙己（膝部手術）、艾迪美臣巴拉加（球會內部處罰）

鳥棲砂岩
停賽：／
上陣成疑：內田裕斗（不詳）
受傷／缺陣：高橋秀人（手肘脫骹）

重心推介：主勝

大阪飛腳週三作客淨吞川崎前鋒5蛋，主場的川崎前鋒贏波後亦登上2020日職冠軍寶座。該仗戰果可謂意料中事，尤其川崎前鋒正處強勢，有力擊敗任何一支聯賽對手。大阪飛腳未必會對該場大敗介懷，即使大敗後令得失球數字較差，隨時於煞科日排名起著關鍵作用。大阪飛腳仍然領先第3位球隊3分，而拋離第4位球隊更有6分，受到重創後今輪正尋求反彈，亦會爭取多入幾球。

鳥棲砂岩再次可勝卻不勝，週三在主場更以0比1不敵仙台維加泰。尚有5仗下，鳥棲砂岩現時落後尾六球隊5分，看來直至季尾都會留守榜尾五弱之列。由於沒有降班顧慮，鳥棲砂岩上輪派遣了一些年輕球員出戰，但主場面對榜末球隊，理應勝出，最終輸波無疑打擊球員信心。

大阪飛腳大敗過後，今輪誓會拼盡，並向主場粉絲展示位居次席的應有實力。而贏波亦可鞏固主隊以亞軍完成今季的籌碼，尤其今場之後，大阪飛腳只餘3輪秩序。預期主隊今場能夠輕鬆取勝，要主W。

對賽

兩隊上季日職分別在主場贏波，大阪飛腳今季初以2比1作客揚威。